Худалдааны санхүүжилт Баримтын аккредитив

Гадаад худалдааны төлбөр тооцооны түгээмэл хэрэглэгддэг хэрэгсэл нь баримтын аккредитив юм. ХасБанк нь дараахь төрөл, хэлбэрийн аккредитивийн үйлчилгээг үзүүлж байна.

 Үүнд:

• Баталгаажсан, баталгаажаагүй баримтын аккредитив
• Экспортын, импортын баримтын аккредитив
• Шууд төлбөртэй, дараа төлбөртэй баримтын аккредитив
• Дамжин төлөгдөх баримтын аккредитив
• Сэргээгдэх баримтын аккредитив
• Стэйндбай баримтын аккредитив;

Баримтын аккредитивийн давуу талууд:

• Импортолж буй бараа, бүтээгдэхүүнийг цаг хугацаанд нь захиалгын дагуу авах
• Бараа, бүтээгдэхүүнийг хүлээн авсны дараа төлбөрийг гүйцэтгэх
• Худалдан авагчийн төлбөрийн чадвараас үл хамааран бараа, бүтээгдэхүүнээ борлуулах
• Баримтын аккредитив нээснээр нэмэлт санхүүжилт авах
• “Олон Улсын Нэгдсэн Журам”-аар зохицуулагддаг учир эрх зүйн эрсдэлгүй байх;

ХасБанк нь аккредитивийг эх үүсвэртэй болон эх үүсвэргүй нээж байна.

Эх үүсвэртэй аккредитив – харилцагч нь мөнгөн эх үүсвэр байршуулан аккредитив нээлгэх тохиолдолд Банктай ямар нэгэн гэрээ байгуулах шаардлагагүй, зөвхөн аккредитивийн нөхцлийг экспортлогч талтай тохиролцон “Худалдааны гэрээ” байгуулсан байхад болно.

Эх үүсвэргүй аккредитив – харилцагч нь мөнгөн эх үүсвэр байршуулалгүй аккредитив нээлгэх тохиолдолд экспортлогч талтай “Худалдааны гэрээ” байгуулахаас гадна Банктай “Эх үүсвэргүй аккредитив нээх гэрээ”, “Зээлийн шугамын гэрээ”-г тус тус нэмж байгуулна. Эдгээр гэрээг байгуулахын өмнө Банк нь харилцагчийн санхүүгийн байдалд зээлийн судалгаа хийж, Зээлийн Хороогоор шийдвэрлэх ба банкинд төлөх эрсдэлийн шимтгэлийн хувь хэмжээг тогтооно.

Нээлгэх аккредитивийн дүн нь Банкны нэг зээлдэгчид олгох зээлийн дээд хэмжээгээр хязгаарлагдах бөгөөд төлбөрийн нөхцөл нь 2 жил хүртэл хугацаатай байж болно.

Үйлчилгээний шимтгэл

Импортын аккредитив нээлгэх - 0.2% (доод хэмжээ 75 ам.доллар, дээд хэмжээ 350 ам.доллар)

Өөрчлөлт оруулах - 40 ам.доллар

Аккредитив цуцлах - 45 ам.доллар

Аккредитив нээлгэхээсээ өмнө харилцагч нь экспортлогч талтай аккредитивийн дүн, валют, хугацаа, төлбөрийн нөхцөл, барааны нэр төрөл, тээвэрлэлтийн нөхцөл, хүлээн авагчийн банк болон бусад холбогдох нөхцлүүдийг тохиролцсон байна. Эдгээрийг тохиролцон “Худалдааны гэрээ” байгуулсан бол харилцагч нь Банк дээр ирж “Аккредитив нээлгэх хүсэлт”-ийг бөглөнө.

Бөглөсөн “Аккредитив нээлгэх хүсэлт”-ийг “Худалдааны гэрээ”-ний хуулбарын хамтаар Банкны худалдааны санхүүжилтын мэргэжилтэнд өгнө. Банк нь хүсэлтийн дагуу аккредитивийг нээж 1-2 хоногийн дотор хүлээн авагчийн банкинд хүргүүлнэ.